काठमाडौं । विदेशबाट ल्यापटप ल्याइदिने आश्वासन दिएर ठगी गरेको आरोपमा एकजना पक्राउ परेका छन् । पक्राउ पर्नेमा महोत्तरी भँगाहा नगरपालिका–८ का ३४ वर्षीय मोहमद सकिल अहमद रहेका छन् ।

प्रहरीका अनुसार उनले पीडितलाई आफूले अनलाइनको बिजनेस गरेको बताएका थिए । उनले मोबाइल, कम्प्युटरसहितका सामानहरू ल्याइदिने आश्वासन दिएर ११ हजार ३५ हजार रुपैयाँ ठगी गरेको प्रहरीले जनाएको छ ।

उनलाई आवश्यक कारबाहीका लागि जिल्ला प्रहरी परिसर टेकु पठाइएको काठमाडौं उपत्यका अपराध अनुसन्धान कार्यालयले जनाएको छ ।