काठमाडौं । नेपाली कांग्रेसका सांसद बद्रीप्रसाद पाण्डेले कांग्रेस र नेकपा (एमाले) नयाँ सरकार बनाउने कोणबाट नभएर व्यवस्थाको औचित्यमाथि उठाइएका प्रश्नको जवाफ दिन एक हुनुपर्ने बताएका छन् । आइतबार संसद् भवन परिसरमा सञ्चारकर्मीसँग उनले यस्तो बताएका हुन् ।

उनले कांग्रेस र एमाले वर्तमान प्रधानमन्त्री हटाएर नयाँ सरकार बनाउने कोणबाट नभएर देशमा देखिएको संकट समाधानका निम्ति मिल्नुपर्नेमा जोड दिए । व्यवस्थाको औचित्यमाथि नै मानिसले प्रश्न उठाउन थालेको भन्दै उनले यसलाई बलियो बनाउन एकजुट हुन जरुरी रहेको बताए ।

कांग्रेस र एमाले वर्तमान व्यवस्थाका संस्थापक भएकाले पनि एक हुन आवश्यक रहेको उनको भनाइ छ । “...कांग्रेस र एमाले भनेको ०४६ सालपछिका दुई मूल शक्तिहरू हुन् । एकप्रकारले यो व्यवस्थाका संस्थापक नै हुन्,” उनले भने, “हाम्रो मेलमिलाप संस्था बनाउन र भत्काउनभन्दा पनि व्यवस्था बलियो बनाउन हुन्छ भने त्यो सकारात्मक कुरा हो ।” न्युज एजेन्सी नेपाल

*यसअघि फरक तस्बिर परेकाले सच्याइएको छ ।