काठमाडौं । नेपाली कांग्रेसका सांसद जीवन परियारको देशैभर सहकारी ठगी प्रकरणले आतंक फैलाएको बताएका छन् ।

शुक्रबारको प्रतिनिधिसभा बैठकमा उनले कास्कीको सूर्यदर्शन सहकारीलगायत आठ वटा सहकारीमा ३७ हजार ७०० जनाको झन्डै दुई अर्ब ८८ करोड बचत रकम हिनामिना देखिएको बताए । उनले हालका गृहमन्त्री रवि लामिछाने र पूर्वउपराष्ट्रपतिका छोरा दिपेश पुनलगायत १८ जनाविरुद्धको जाहेरीमाथि प्रहरीले निष्पक्ष छानबिन गर्ला भन्ने प्रश्न उठेको बताए ।

“...२५ जनाको जाहेरीमा कसुर गर्ने व्यक्तिको नामको क्रम संख्या एकमा माननीय गृहमन्त्री रवि लामिछानेको नाम र क्रम संख्या चारमा पूर्वउपराष्ट्रपतिका छोरा दिपेश पुनलगायत १८ जना फौजदारी अभियोग छ,” उनले भने, “के उक्त जाहेरीमा प्रहरीले निष्पक्ष छानबिन गर्ला ? आम नेपाली जनताले प्रश्न गरेका छन् ।”