काठमाडौं । जनमत वाङ्मय प्रतिष्ठानले हरेक वर्ष प्रदान गर्दै आएको सम्मानहरू यस वर्ष पनि विभिन्न साहित्यकारहरूलाई प्रदान गर्ने घोषणा गरेको छ ।
प्रतिष्ठानद्वारा प्रेषित विज्ञप्तिअनुसार २०७९ सालको ‘दीपा–जनमत सम्मान’ प्रा. डा. लक्ष्मणप्रसाद गौतम (बागलुङ), ‘गणेश/खिलकुमारी दुवाल–जनमत सम्मान’ प्रमोद प्रधान (मोरङ), ‘हृदयचन्द्र–जनमत वरिष्ठ साधक सम्मान’ डा. अभि सुवेदी (तेह्रथुम), ‘जनमत–जनक प्रधान सेवा सम्मान’ राजेश खनाल (काठमाडौं) लाई प्रदान गर्ने निर्णय गरिएको छ ।
त्यस्तै ‘केवलपुरे–जनमत सम्मान’ नर्मदेश्वरी सत्याल (संखुवासभा), ‘जनमत–महेन्द्रलाल कलाकार सम्मान’ रविन्द्र श्रेष्ठ (भक्तपुर), ‘कमला सैंजू–जनमत सम्मान’ लक्ष्मी माली (काठमाडौं), ‘जनमत–राजभाई सहयात्री सम्मान’ बाबुराम श्रेष्ठ ‘वर्षा’ (मोरङ) र ‘भारती–जनमत साहित्यिक पत्रकारिता सम्मान’ मेरिना स्मृति (काठमाडौं) लाई प्रदान गरिने विज्ञप्तिमा जनाइएको छ ।
विज्ञप्तिअनुसार ‘जनमत–केदार/सुदर्शना बालसाहित्य सम्मान’ गङ्गादेवी कसजू (बाग्लुङ), ‘जनमत–सिचि धर्म/संस्कृति सम्मान’ रामकृष्ण कर्माचार्य (ललितपुर), ‘जनमत–मित्र अनुवाद राष्ट्रिय सम्मान’ महेश पौड्याल (काठमाडौं) तथा ‘जनमत–दीपक वैद्य स्वास्थ्य सम्मान’ डा. सिर्जना श्रेष्ठ (काठमाडौं) लाई प्रदान गरिने निर्णय गरिएको छ ।
प्रतिष्ठानका अध्यक्ष मोहन दुवालद्वारा प्रेषित विज्ञप्तिमा ‘जनमत–ज्ञानरत्न/मंगलतारा राष्ट्रिय सम्मान’ दिनेश गुप्ता (पर्सा, भोजपुरी भाषा) र ‘जनमत–पूर्णमान/लुचि समाजसेवा सम्मान’ रामराजा धौभडेल (काभ्रे) लाई प्रदान गर्ने निर्णय गरिएको जनाइएको छ ।
उक्त सम्मानहरू प्रतिष्ठानको ४०औँ वार्षिकोत्सवको अवसरमा आउँदो चैत १७ गते प्रदान गरिने जनाइएको छ । सम्मानित व्यक्तित्वहरूलाई जनही १० हजार नगद राशिसमेत प्रदान गरिने विज्ञप्तिमा जनाइएको छ ।