काठमाडौं । कवि सुशीला खड्का ‘हसिना’को कविताकृति ‘पहिरोभित्रको घाम’ सार्वजनिक भएको छ । किताब पेज टर्नरले प्रकाशनमा ल्याएको हो ।

शुक्रबार काठमाडौंमा आयोजित एक कार्यक्रममा नेपाल प्रज्ञा–प्रतिष्ठानका कुलपति भूपाल राई, साहित्यकार भुवनहरि सिग्देल, कृतिकार हसिनालगायतले कृति सार्वजनिक गरे ।

कार्यक्रममा पुस्तकमाथि समीक्षात्मक टिप्पणी राख्दै डा. गीता त्रिपाठीले कृतिभित्रका कवितामा समाजिक–राजनीतिक विसंगति विरुद्धका विद्रोह समेटिएको बताइन् ।

समीक्षक महेश पौड्यालले हसिनाका कविताले अन्धकारमा पनि आशाको सञ्चार प्रवाह गर्न सक्ने टिप्पणी गरे ।

कार्यक्रममा साहित्यकारहरू भुवनहरि सिग्देल, लक्ष्मी माली, डा. रामप्रसाद ज्ञवाली, राजेन्द्र थापा तथा राजेश थापाले बोलेका थिए ।