काठमाडौं । नेपाल वायुसेवा सञ्चालक संघको अध्यक्षमा मनोज कार्की सर्वसम्मत चयन भएका छन् ।

समिट एयरका अकाउन्टेबल म्यानेजरसमेत रहेका कार्की संघका महासचिव हुन् ।

नयाँ कार्यसमितिको औपचारिक घोषणा गरिएको छैन । बिहीबार हुने संघको २३औँ साधारण सभाले औपचारिकरूपमा नयाँ कार्यसमितिको घोषणा गर्ने संघको तयारी छ ।

संघका एक सदस्यले सर्वसम्मतरूपमा पदाधिकारीसहित सबैको नाम टुंगो लागिसकेको जानकारी दिए । तर, सबैको नाम बिहीबार घोषणा हुने उनको भनाइ छ ।

“हामीले सधैँ नै सर्वसम्मतरूपमा चयन गर्दै आएका छौँ । अहिले सर्वसम्मतरूपमा नै चयन भएको छ । भोलि सबैको नाम घोषणा गर्छौं,” ती सदस्यले बाह्रखरीसँग भने ।