![१६ जीबी र्याम र ५१२ जीबी स्टोरेज भएको अनर एक्स ८बी नेपालमा](https://12khari.top/uploads/posts/HONOR-X8b-Pre-booking-1709034506.jpeg)
काठमाडौं । अनरले नेपालमा ‘अनर एक्स८बी’ स्मार्टफोन भित्र्याएको छ । ५१२ जीबी स्टोरेज भएको अनर एक्स ८बी लाई कम्पनीले ‘कम्प्युटर लेभल स्टोरेज’ ट्यागलाइन दिएको छ ।
अनर एक्स८बी आठ जीबी र थप गर्न मिल्ने आठ जीबी गरी १६ जीबी र्याम छ । फोनको स्टोरेज ५१२ जीबी रहेको कम्पनीले जनाएको छ । फोनमा एन्ड्रोइड १३, क्वाल्कमको स्न्यापड्र्यागन ६८० चिपसेट र मेजिक ओएस ७.२ रहेको छ ।
फोनमा १०८ मेगापिक्सेलको मुख्य क्यामरा, वाइड र डेप्थ क्यामेरासँगै दुई मेगापिक्सेलको म्याक्रो गरी ट्रिपल क्यामरा प्रणाली छ । फोनमा ५० मेगा पिक्सेलको सेल्फी क्यामरा रहेको छ ।
अनर एक्स८बीमा अत्याधुनिक ६.७ इन्चको ब्राइट एमोलेड डिस्प्ले रहेको छ । यसले १२ सय निट्सको एचबीएम ब्राइटनेस र दुई हजार निट्सको पीक ब्राइटनेस प्रदान गर्ने कम्पनीको दाबी छ ।
डिस्प्लेमा ९० हर्टज रिफ्रेस रेट र तीन हजार २४० हर्ट्ज पीडब्लूएम डिमिङ रहेको अनरले जनाएको छ । फोनको मोटाइ ६.७८ मिलिमिटर र तौल १६६ ग्राम मात्रै छ । यस मूल्य रेन्जमा यो नै यति पातलो र हलुका फोन भएको कम्पनीको दाबी छ ।
फोनमा ४५ सय एमएएचको ब्याट्री रहेको छ । ३५ वाटको सुपरचार्ज टेक्नोलोजीले छिटो चार्ज हुन कम्पनीको भनाइ छ ।
फोनको मूल्य २९ हजार ९९९ रुपैयाँ रहेको छ । अनरको आधिकारिक वितरक सेलट्रोन नेपालले यो फोनको प्रि–बुकिङ सोमबारदेखि सुरु भएको बताएको छ । बुधबार प्रि–बुकिङ सकिने कम्पनीले जनाएको छ ।