ललितपुर । नेपाली कांग्रेसका सहमहामन्त्री जीवन परियारले देशमा दलित समुदायमाथि हुने भेदभाव अझै अन्त्य नभएको बताएका छन् । उनले २१औँ शताब्दीमा पनि दलित समुदायका व्यक्तिलाई 'कुकुरभन्दा पनि तल' गुनासो गरे ।

"२१औँ शताब्दीमा पनि दलित समुदायलाई कुकुर भन्दा तल बनाइयो । छोइछिटो गरियो । यस्ता परम्परालाई अन्त्य गरी अघि बढ्नुपर्ने छ," उनले भने ।

उनले जातीय विभेद अन्त्य गर्न त्यस्ता समुदायका व्यक्तिलाई राज्यका निकायमा समानुपातिक ढंगबाट प्रतिनिधित्व गराउनुपर्ने बताए । 

"यो देशमा रहेका सबै जातजाति भाषाभाषी सबैको सुरक्षित निर्वाचित क्षेत्र बनाएर समानुपातिक ढंगबाट राज्यको निकायमा प्रतिनिधित्व ल्याउनुपर्छ," उनले भने ।

त्यस्तै, उनले जनताले पार्टीका नेताहरूलाई धेरै प्रश्न गरेको र अब जवाफ दिन ढिलो गर्न नहुने पनि बताए । पार्टी नेतृत्वले तल्लो तहका कार्यकर्ताको भावना सम्बोधन गरेर संगठन निर्माण गर्नुपर्नेमा उनले जोड दिए ।