राजनीति
काठमाडौं । नेकपा (माओवादी केन्द्र)को प्रथम विधान अधिवेशनमा समूहगत छलफलबाट सुझाव संकलन गर्ने कार्य सम्पन्न भएको छ । पार्टी अध्यक्ष पुष्पकमल दाहाल ‘प्रचण्ड’ले फागुन १ गते प्रस्तुत गरेको विधान मस्यौदामाथि समूहगत छलफलबाट सुझाव संकलन गर्ने काम सकिएको हो ।
अधिवेशनमा सहभागीलाई विभिन्न २० समूहमा विभाजन गरिएको थियो । बुधबार १३ समूहबाट र बाँकी सात समूहले आज सुझाव दिएका छन् ।
समूहगत निष्कर्ष सुनाइसकेपछि ३ बजेसम्मका लागि ब्रेक दिइएको छ । केही समयपछि समूहबाट आएका प्रश्नको जवाफ अध्यक्ष प्रचण्डले दिनेछन् ।
यसैबीच, माओवादीको पदाधिकारी बैठक सुरु भएको छ । पदाधिकारी बैठकले मस्यौदामा रहेको विवाद टुंगो लगाउनेछ ।
प्रकाशित मिति: बिहीबार, फागुन ३, २०८० १३:३३
प्रतिक्रिया दिनुहोस्