काठमाडौं । सिटिजन्स बैंक र काठमाडौंको ठमेलस्थित पर्पल हेज रकबार प्रालिबीच समझदारी भएको छ । सिटिजन्स बैंकका ग्राहकलाई पर्पल हेजमा विशेष छुट दिनेसम्बन्धी समझदारीपत्रमा हस्ताक्षर गरिएको हो ।

योसँगै सिटिजन्सका कार्डवाहक र मोबाइल बैंकिङ ग्राहकले पर्पल हेज रकबारमा १० प्रतिशतसम्मको आकर्षक छुट पाउने बैंकले जनाएको छ ।

यस किसिमको सहकार्यबाट बैंकका ग्राहक लाभान्वित हुनुका साथै नगदबाट डिजिटल कारोबारतर्फ उत्प्रेरित हुने बैंकको विश्वास छ ।

सिटिजन्स बैंकले देशभरका आफ्ना १९० शाखा, १५२ एटीएम र ९७ शाखारहित बैंकिङ इकाइबाट सेवा प्रदान गर्दै आएको जनाएको छ ।