काठमाडौं । गत सिजन तेहेरो उपाधि जितेको इंग्लिस क्लब म्यानचेस्टर सिटीलाई पछि पार्दै स्पेनिस क्लब रियाल मड्रिड सबैभन्दा धेरै नाफा कमाउने क्लब बनेको छ ।

डेलोइटको अध्ययनानुसार स्पेनिस क्लब रियाल मड्रिडले सन् २०२२–२४ को सिजन कुल ८३१ मिलियन युरो नाफा कमाउन सफल भयो । रियाल सन् २०१७–१८ को सिजनपछि सबैभन्दा धेरै नाफा कमाउने क्लब बनेको हो । यो सूचीको दोस्रो स्थानमा रहेको सिटीले गत सिजन कुल ८२६ मिलियन युरो नाफा कमायो । 

गत वर्ष ८०२ मिलियन युरो नाफा कमाएको पीएसजी सूचीको तेस्रो स्थानमा छ । चौथो स्थानको बार्सिलोनाले ८०० मिलियन र पाँचौँ स्थानको म्यानचेस्टर युनाइटेडले ७४६ मिलियन युरो नाफा कमायो ।

यो सूचीका शीर्ष २० क्लबले गत सिजनको भन्दा १४ प्रतिशत धेरै नाफा कमाएको डेलोइटको रिपोर्ट छ ।