काठमाडौं । फ्रान्सका राष्ट्रपति इम्यानुएल म्याक्रोनले ३४ वर्षीय गेब्रियल एटललाई नयाँ प्रधानमन्त्रीमा नियुक्त गरेका छन् । अटल फ्रान्सको सबैभन्दा कान्छो प्रधानमन्त्री बन्ने भएका छन् ।

उनी राष्ट्रपति पछिको शक्तिशाली पदमा बस्ने पहिलो समलिंगी व्यक्ति पनि बन्ने भएका छन् ।

एलिजाबेथ बोर्नले राजीनामा दिएपछि गेब्रियल एटल प्रधानमन्त्री नियुक्त भएका हुन् ।

म्याक्रोनको पार्टीका अटल सन् २०२३ को जुलाईदेखि शिक्षा तथा राष्ट्रिय युवामन्त्री थिए ।

शिक्षामन्त्रीका रुपमा आफ्नो कार्यकालमा उनले सरकारी विद्यालयमा अबाया लगाउन प्रतिबन्ध लगाउने निर्णय गरेका थिए ।

उनलाई नियुक्त गर्दै म्याक्रोनले सामाजिक सञ्जाल एक्समा गेब्रियल एटलको ‘उर्जा र प्रतिबद्धतामा भरोसा गर्छु ’भनेर लेखेका छन् ।