काठमाडौं । अमेरिकी सर्वोच्च अदालत ट्रम्पको कोलोराडो मतपत्रको योग्यता समीक्षा गर्न सहमत भएको छ । शुक्रबार पूर्वराष्ट्रपति डोनाल्ड ट्रम्पलाई कोलोराडोको प्राथमिक मतपत्रमा उपस्थित हुन अयोग्य ठहर गर्ने निर्णयमाथि समीक्षा गर्न अदालत सहमत भएको हो ।

अमेरिकी सर्वोच्च अदालतको घोषणा दुई दिनपछि आएको थियो । जब ट्रम्पले अदालतलाई कोलोराडो सर्वोच्च अदालतले हालैको एक आदेशलाई अमान्य गर्न आग्रह गरेका थिए । जसले ट्रम्पलाई राज्यको २०२४ मा हुने राष्ट्रपतिको प्राथमिक मतपत्रबाट हटाएको थियो । 

यो मुद्दामा फेब्रुअरी ८ मा बहस हुनेछ । दुई हप्ताअघि कोलोराडो सर्वोच्च अदालतको निर्णयले ट्रम्पलाई विद्रोह गरेको आरोपमा २०२४ को राष्ट्रपतिको चुनावको उमेदवार बन्न अयोग्य ठहर गर्नुपर्नेमा सहमति जनाएको थियो ।