काठमाडौं । उपप्रधान एवं गृहमन्त्री नारायणकाजी श्रेष्ठले बालकुमारी घटनाका मुख्य तीन कारण प्रस्तुत गरेका छन् । उनले तनावग्रस्त क्षेत्रमा भौतिक पूर्वाधार तथा यातायातमन्त्री प्रकाश ज्वालाको प्रवेशलाई मुख्य कारणका रूपमा प्रस्तुत गरेका छन् ।

प्रतिनिधिसभाअन्तर्गतको राज्यव्यवस्था तथा सुशासन समितिको सोमबारको बैठकमा उनले पीएसओको वाकीटकीमा अवस्था तनावग्रस्त छ भन्ने जानकारी हुँदाहुँदै त्यहाँ मन्त्री ज्वालाको आगमन भएको बताए । गृहमन्त्री श्रेष्ठले भने, “मन्त्रीको गाडी जलाइयो भन्ने भएपछि प्रहरीले गोली चलाएको भन्ने जानकारी आएको छ ।”

घटनाको अर्को कारण ‘१८ जनालाई मात्र आवेदन गर्न दिनू’ भन्ने अदालतको आदेश भएको उनले बताए । उनले अदालतको आदेश परम्परावादी भएको टिप्पणी गरे ।

“अदालतको आदेशमा असाध्यै कन्जरभेटिभ इन्टप्रिटेसनले पनि २८ हजार जनालाई उद्धेलित बनायो,” गृहमन्त्री श्रेष्ठले भने, “पहिला किन परीक्षामा सहभागी हुन नपाउने भन्ने थियो । पछि १८ जनाले पाउँदा हामीले किन नपाउने भनेर युवाहरूलाई आक्रोशित बनायो । यसलाई अदालतले दिएको आदेश र ईपीएस कार्यालयको विवेकसम्मत निर्णय नहुँदा घटना घट्यो ।”

• गृहमन्त्रीलाई सांसदले भने– तपाईं शालीन हुनुहुन्छ, राजीनामा दिनुस् !
• गृहमन्त्रीको जिज्ञासा– मन्त्री किन त्यो बाटोबाट आउनुभयो होला ?
• मन्त्रीको ज्यान तलमाथि पर्छ भनेर बल प्रयोग गरियो : प्रहरी महानिरीक्षक
• न्यूनतम बल प्रयोग गर्नु हाम्रो सिद्धान्त हो : सशस्त्र प्रहरी महानिरीक्षक
•