काठमाडौं । माछापुच्छ्रे बैंकले सिरहाको कर्जनहास्थित जनसेवा माध्यमिक (प्राविधिक) विद्यालयमा एकहप्ते व्यावसायिक सिपमूलक तालिम कार्यक्रमको आयोजना गरेको छ ।

माध्यमिक तहका विद्यार्थीहरूमा व्यावसायिक र प्राविधिक ज्ञान एंव सीपको विकास गर्ने उद्धेश्यले बैंकले ‘इन्जिनियर विथआउट ब्रोडर्स’ नामक संस्थासँगको सहकार्यमा व्यावसायिक सिपमूलक तालिम आयोजना गरेको हो । बैंकले एक सातासम्म स्कुल प्रांगणमा तालिम कार्यक्रम सञ्चालन गरेको जनाएको छ ।

एकसाताको उक्त कार्यक्रममा गोबर ग्यासबाट बायो ग्यास निकाल्ने, पानी फिल्टर गर्ने लगायतका प्राविधिक तालिम तथा ऊनबाट बनेका विभिन्न सजावटका सामानहरू बनाउने व्यावसायिक तालिम प्रदान गरिएको थियो ।