काठमाडौं । राष्ट्रिय प्रजातन्त्र पार्टी (राप्रपा)का वरिष्ठ नेता तथा सांसद दीपक बोहराको अन्त्येष्टि गरिएको छ । मंगलबार उपचारका क्रममा निधन भएका सांसद बोहराको बुधबार पशुपति आर्यघाटमा अन्त्येष्टि गरिएको हो । 

त्यसअघि पशुपति आर्यघाटमा कार्यबहाक प्रधानमन्त्री प्रकाशमान सिंह, सभामुख देवराज घिमिरे, विभिन्न दलका नेतालगायत पुगेर बोहरालाई अन्तिम श्रद्धाञ्जली अर्पण गरेका थिए भने बोहराको पार्थिव शरीरमा पार्टीको झन्डा ओढाइएको थियो ।

काठमाडौंको ओम अस्पतालमा उपचारका क्रममा मंगलबार बोहराको ७४ वर्षको उमेरमा निधन भएको थियो ।