site stats
बाह्रखरी :: Baahrakhari
देश
Global Ime bankGlobal Ime bank
त्रिविबाट दीक्षित विद्यार्थीलाई राष्ट्रपतिले भने– तपाईंहरू यो देशको भाग्य र भविष्य हो 

काठमाडौं । राष्ट्रपति रामचन्द्र पौडेलले त्रिभुवन विश्वविद्यालयबाट दीक्षित विद्यार्थी राष्ट्रको भाग्य र भविष्य भएको बताएका छन् । सोमबार त्रिविको ४९औँ वार्षिकोत्सव एवं दीक्षान्त समारोहमा उनले अब राष्ट्र निर्माणमा लाग्न आग्रह गरे ।

“तपाईंहरूमा हाम्रो मुलुकको भाग्य र भविष्य जोडिएको छ,” राष्ट्रपति पौडेलले भने, “नेपाल सरकारले शिक्षा क्षेत्रमा ठूलो लगानी र तपाईंहरूको परिश्रम समेतका कारण आज तपाईंहरू यो स्थानमा हुनुहुन्छ । राज्यको लगानी भन्नुको तात्पर्य जनताकै लगानी हो । यसर्थ यहाँहरूको राष्ट्र र जनताप्रति केही दायित्व र केही कर्तव्य छ ।”

दीक्षित विद्यार्थी आफ्नो दायित्व र कर्तव्य निर्वाह गर्ने विषयमा नचुक्ने विश्वास उनले व्यक्त गरे ।

“तपाईंहरूले प्राप्त गर्नुभएको ज्ञान, सीप र प्रविधि राष्ट्र निर्माणका लागि उपयोगी हुनेछ,” उनले भने, “एउटा सक्षम, सबल तथा समृद्ध राष्ट्र निर्माणका लागि आज दीक्षित हुने तपाईं छात्रछात्राहरूको भूमिका महत्त्वपूर्ण हुनेमा म विश्वस्त छु ।”

राष्ट्रपति पौडेलले दीक्षित विद्यार्थीको अनुहारमा राष्ट्रको सुन्दर अनुहार देखिरहेको टिप्पणी गरे ।

“आज तपाईंहरूको अनुहारमा मैले नेपालको सुन्दर अनुहार प्रतिविम्बित भइरहेको पाएको छु । तपाईंहरू आफूले प्राप्त गरेको ज्ञान, सीप र दक्षता बोकेर उत्पादनशील कार्यका लागि जाँदै हुनुहुन्छ,” उनले भने, “भोलि देशलाई कुन दिशामा लैजाने हो, त्यो तपाईंहरूकै हातमा छ । देशबाट मैले के पाएँभन्दा पनि मैले देशलाई के दिएँ, के दिँदै छु वा भविष्यमा के योगदान गर्न सक्छु भन्ने कुराको सकारात्मक सोच तपाईं–हामीमा आउन सकोस् ।”

प्रकाशित मिति: सोमबार, पुस २, २०८०  १५:३३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro