काठमाडौं । ‘भिजिबिलिटी’ कम हुँदा आन्तरिकतर्फका केही उडान प्रभावित भएको छ । बिहीबार बिहान देशका विभिन्न स्थानमा भिजिबिलिटी कम हुँदा आन्तरिकतर्फका उडान रोकिएको हो ।

सुर्खेत र संखुवासभाको तुम्लिङटारमा उडान प्रभावित भएको त्रिभुवन अन्तर्राष्ट्रिय विमानस्थल स्रोतले जानकारी गराएको छ ।

भिजिबिलिटी कम हुँदा सुर्खेत र तुम्लिङटारमा बुद्ध एयरका उडान प्रभावित भएको सो कम्पनीका प्रवक्ता दीपेन्द्र कर्णले जानकारी दिए ।

“भिजिलिबटी कम हुँदा हाम्रो उडान रोकिएको छ । विमानस्थल खुल्नासाथ पुनः उडान सुरु हुनेछ,” उनले बाह्रखरीसित भने ।