site stats
बाह्रखरी :: Baahrakhari
राजनीति
Global Ime bankGlobal Ime bank
वेबसाइट सार्वजनिक गर्दै प्रचण्डले भने– ऋण खोजेर भए पनि प्रचारमा खर्च बढाऔँ

काठमाडौं । नेकपा (माओवादी केन्द्र)का अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ले सरकारले गरेको राम्रो कामको प्रचार गर्न पार्टीका संगठन तयार नभएको बताएका छन् ।

सोमबार पार्टी केन्द्रीय कार्यालय पेरिसडाँडामा पार्टीको वेबसाइट सार्वजनिक गर्दै उनले राम्रो कामलाई राम्रो भन्न आग्रह गरे ।

“राम्रो कुरालाई राम्रो भन्न हाम्रै संगठन तयार भएको त्यति देखिँदैन । अरुले बरु धेरै राम्रो भयो भने बधाइ दिन्छन्,” उनले भने ।

उनले राम्रा कामप्रति गर्व गर्दै जनतामा लैजाने बताए । “हामी आफैँले भाग्य र भविष्य निर्माण गर्ने हो । आफूले गरेको कामलाई गर्व गर्ने र जनतामा पुर्‍याउने हो,” उनले भने ।

उनले आइटीको सदुपयोग गरिने बताए । अन्यत्र हुने खर्च घटाएर प्रचारमा खर्च बढाउन आफूले प्रचार विभागका प्रमुख अग्नि सापकोटालाई निर्देशन दिएको पनि बताए ।

“आइटीको सदुपयोग गर्ने । मैले अग्निजीलाई भनेको छु । टिमका साथीहरूलाई कति पैसा चाहिने हो बरु ऋण खोजेर भए पनि गरौं । अन्त बरु खर्च घटाइदिऔं । प्रचारमा खर्च बढाइदिऔँ भन्ने गरेको छु,” उनले भने ।

सामाजिक सञ्जालबाट हिरोलाई भिलेन र भिलेनलाई हिरो बनाउन प्रयोग भइरहेको उनको भनाइ छ । तर, इतिहासका नायक जनता नै भएको उनले बताए । साथै, उनले आफू लड्न नछाड्ने पनि बताए ।

“लड्न म चाहिँ छाड्दिन । लड्न छाड्छ कि प्रचण्डले भन्ने ठान्न पर्दैन । जारी राख्छु । सच्चाइ हाम्रो पक्षमा भएकाले जित हाम्रै हुन्छ,” प्रधानमन्त्रीले भने ।

उनले एक हप्ताभित्र सुकुम्वासी समस्या समाधान गर्न ऐन संशोधन गर्ने निर्णय भएको पनि जानकारी दिए ।

प्रकाशित मिति: सोमबार, मंसिर ११, २०८०  १६:२७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro