काठमाडौं । नवलपरासी (बर्दघाट सुस्तापूर्व)को देवचुली नगरपालिका–९, एसमोडमा बोलेरो जीप दुर्घटना हुँदा ६ जनाको मृत्यु भएको छ भने एकजना गम्भीर घाइते भएका छन् ।

मृत्यु हुनेमा तीन महिला र तीन पुरुष रहेको जिल्ला प्रहरी कार्यालय नवलपरासी पूर्वका प्रवक्ता एवंम् डीएसपी वेदबहादुर पौडेलले जानकारी दिए । उनीहरूको घटनास्थलमा नै मृत्यु भएको हो । मृतकको सनाखत भएको छैन ।

माझडाँडाको बुलिङटारबाट कावासेती आउँदै गरेको नु२ज ३२७० नम्बरको जीप आइतबार बिहान साढे ११ बजे दुर्घटना भएको उनले बताए ।जीप तीव्र गतिका कारण दुर्घटना भएको उनले बताए ।

डीएसपी पौडेलका अनुसार जीपमा सात जना सवार थिए । गम्भीर घाइते भएका एक पुरुषको उपचारका लागि चितवन पठाइएको छ ।