इस्लामावाद । पाकिस्तानको उत्तर पश्चिमी खैबर पख्तुनख्वा प्रान्तमा गुप्तचरमा आधारित सैन्य कारबाहीमा दुई आतंककारीको मृत्यु भएको पाकिस्तानी सेनाले विज्ञप्तिमार्फत बताएको छ ।

पाकिस्तानी सेनाको मिडिया शाखा इन्टर–सर्भिसेज पब्लिक रिलेसन्स (आईएसपीआर)ले आतंकवादीहरू लुकेर बसेको प्रान्तको चित्राल जिल्लाको उर्सन क्षेत्रमा कारबाही सञ्चालन गरिएको बताएको छ ।

कारबाहीका क्रममा सुरक्षा बल र आतंककारी बीचको गोली हानाहानमा दुई आतंककारी मारिएको र अन्य घाइते भएको पनि विज्ञप्तिमा उल्लेख छ । रासस/सिन्ह्वा