भूकम्प प्रभावितलाई सिबिफिनले १० लाख रुपैयाँ आर्थिक सहयोग गर्ने

अर्थ व्यवसाय

भूकम्प प्रभावितलाई सिबिफिनले १० लाख रुपैयाँ आर्थिक सहयोग गर्ने

आइतबार, कात्तिक १९, २०८०

भूकम्प प्रभावितलाई सिबिफिनले १० लाख रुपैयाँ आर्थिक सहयोग गर्ने

काठमाडौं । जाजरकोट भूकम्पबाट प्रभावितलाई बैंक तथा वित्तीय संस्था परिसंघ नेपाल (सिबिफिन)ले १० लाख रुपैयाँ आर्थिक सहायता गर्ने भएको छ । सिबिफिनले आइतबार एक प्रेस विज्ञप्ति जारी गर्दै जाजरकोट र रुकुम पश्चिमका भूकम्प प्रभावितलाई आर्थिक साहयता उपलब्ध गराउने जानकारी दिएको हो ।

"भूकम्पको भयाबह अवस्थाबाट गुज्रिरहेका सम्बन्धित क्षेत्रका आमजनताको तत्काल खोज, उद्धार, घाइतेहरूको आवश्यक औषधोपचार र राहतसहित सुरक्षित पुनर्स्थापनामा सहयोग पुगोस् भन्ने हेतुले सम्बन्धित जिल्ला प्रशासन कार्यालय र स्थानीय निकायमार्फत सिबिफिनको तर्फबाट तत्कालका लागि १० लाख रुपैयाँ आर्थिक सहयोग उपलब्ध गराउने घोषणा गर्दछौँ," विज्ञप्तिमा उल्लेख छ ।

सिबिफिनले सम्बन्धित जिल्लाका प्रमुख जिल्ला अधिकारीसँग सम्पर्क गरी प्रभावित जनताको वस्तुस्थितिबारे जानकारी लिएको पनि बताएको छ ।