काठमाडौं । संयुक्त राष्ट्रसंघका महासचिव एन्टोनियो गुटेरेस र राष्ट्रियसभा अध्यक्ष गणेशप्रसाद तिमिल्सिनाबीच भेटवार्ता भएको छ । सिंहदरबारस्थित संघीय संसद् सचिवालयमा रहेको राष्ट्रियसभा अध्यक्षको कार्यकक्षमा उनीहरूबीच भेटवार्ता भएको हो ।

अध्यक्ष तिमिल्सिनासँगको भेटलगत्तै महासचिव गुटेरेसले उपप्रधान एवं गृहमन्त्री नारायणकाजी श्रेष्ठसँग पनि भेट गरेका छन् । उनीहरूबीच गृह मन्त्रालयमा भेटवार्ता भएको हो ।

महासचिव गुटेरेसले आजै संघीय संसद्का दुवै सदनको संयुक्त बैठकमा सम्बोधन गर्नेछन् । चारदिने नेपाल भ्रमणमा रहेका गुटेरेसले यसअघि उच्चस्तरीय भेटवार्ता र सगरमाथा क्षेत्र, अन्नपूर्ण आधारशिविर, पोखरा र लुम्बिनीको अवलोकन भ्रमण गरिसकेका छन् । रासस