काठमाडौं । सामसङले आफ्नो क्रिस्टल यूएचडी टिभी र क्यूएलईडी टिभी सेटको नयाँ लाइन–अप, २०२३ सी–सिरिज टिभी नेपालमा सार्वजनिक गरेको छ । 

४३ देखि ८५ इञ्चसम्म विभिन्न साइजमा उपलब्ध यी टिभीहरूमा सामसङको फ्ल्यागसिप फिचर रहेका छन् ।

ती फिचरमा सामसङको सिग्नेचर नक्स सेक्युरिटी, बिल्ट–इन एआई भ्वाइस असिस्टेन्ट बिक्स्बी, स्मार्टथिन्ग्स एपको एक्सेस र स्लिमफिट क्यामको साथ भिडियो कल गर्न मिल्ने सुविधा टिभीमा रहेको छ ।

यसबाहेक काल्म अनबोर्डिङ र अटो ब्राइटनेस एडजस्ट गर्न टिभीमा आईओटी लाइट सेन्सर छ ।

सी–सिरिजका टिभीहरू वातावरणलाई ध्यानमा राखेर बनाइएको र धेरै पार्टहरू पुन: प्रयोगमा ल्याइएको पदार्थबाट बनाइएको कम्पनीले जनाएको छ । यस्तै, रिमोट सोलार सेलबाट र एआई एनर्जी सेभिंग पनि टिभीमा प्रयोग गरिएको छ ।

यसबाहेक विशेष अफरका रूपमा यस वर्ष सन् २०२३ को डिसेम्बर ३१ सम्म खरिद गरिएका सबै टिभीमा तीन वर्षको पूर्ण वारेन्टी उपलब्ध हुने सामसङले बताएको छ ।

सामसङ नेपालका कन्जुमर इलेक्ट्रोनिकस्का महाप्रबन्धक आलोककुमार गुप्ताले यी टिभीले प्रयोगकर्तालाई परिस्कृत अनुभव प्रदान गर्ने बताएका छन् ।

के छन् विशेषता
घरको कुनै पनि ठाउँमा पनि फिट गर्न सकिने प्रिमियम डिजाइन, स्लिम सोलार पावर्ड रिमोट र १०० प्रतिशत करल भोल्युम– प्यान्टोन मान्य रङ अर्थात् १ अर्ब ट्रु रङ देखाउने कम्पनीले बताएके छ ।

यस्तै ध्वनिसँगै इमर्सिभ अनुभव, बिल्ट–इन एआई भ्वाइस असिस्टेन्ट, कन्सोल बिना नै तुरुन्तै सबै उत्कृष्ट कन्सोल गेमिङ जस्ता विशेषता टिभीमा रहेको सामसङ नेपालले जनाएको छ ।

२०२३ सी–सिरिजका टिभी खरिदमा दसैँ तिहार अफरमा ४१ प्रतिशतसम्म छुट रहेको कम्पनीले बताएको छ ।