काठमाडौं । निकोलस ओटामेन्डीको निर्णायक गोलप्रेरित अर्जेन्टिनाले फिफा विश्वकप–२०२६ दक्षिण अमेरिकी छनोटमा पराग्वेलाई १–० ले हराएको छ ।

शुक्रबार बिहान ब्युनस आयर्सस्थित स्टाडियो मोनुमेन्टलमा भएको खेलमा ओटामेन्डीले खेलको तेस्रो मिनेटमा नै गोल गरेका थिए । ओटामेन्डीको यही गोल निर्णायक बन्दा अर्जेन्टिनाले छनोटमा तीन अंक निश्चित गरेको हो ।

दक्षिण अमेरिकी छनोटमा अर्जेन्टिना अपराजित छ । सन् २०२२ को विश्वकपमा साउदी अरेबियासँग पराजित भएयता अर्जेन्टिनाले पछिल्ला १३ खेलमा शतप्रतिशत नतिजा निकालेको छ ।

जितसंगै तीन खेलबाट नौ अंक जोडेको अर्जेन्टिना तालिकाको शीर्ष स्थानमा उक्लिएको छ । समान खेलबाट अंकविहीन पराग्वे आठौँ स्थानमा छ ।

अर्जेन्टिनाले अब अक्टोबर १८ मा पेरुसँग खेल्नेछ । पराग्वेले सोही दिन बोलिभियासँग खेल्नेछ ।