काठमाडौं । चार संसदीय समितिका बैठक आज बस्दै छ ।

प्रतिनिधिसभाअन्तर्गतको अर्थ समितिको बैठक बिहान ११ बजे बस्नेछ । बैठकमा समितिको कार्यविधिको मस्यौदामाथि छलफल गरिनेछ ।

बिहान ११ बजे नै उद्योग तथा वाणिज्य र श्रम तथा उपभोक्ता हित समितिको बैठक बस्नेछ । बैठकमा क्रसर तथा खानी उद्योग सञ्चालन गर्दा भोग्नुपरेका समस्या र उद्योग नवीकरणका विषयमा छलफल गरिनेछ ।

बिहान ११ बजे नै बस्ने पूर्वाधार विकास समितिको बैठकमा विद्युत् विधेयक, २०८० का प्राविधिक पक्षका विषयमा विज्ञसँग छलफल गरिनेछ ।

यस्तै, शिक्षा, स्वास्थ्य तथा सूचना प्रविधि समितिको बैठक बिहान १० बजे बस्दै छ । चिकित्सकमाथि हुने गरेको दुर्व्यवहारका विषयमा बैठकमा गृह मन्त्रालय, स्वास्थ्य तथा जनसंख्या मन्त्रालय र स्वास्थ्यसँग सम्बन्धित संघ–संस्थाका पदाधिकारीसँग छलफल गरिने तय छ ।

यी बैठक सिंहदरबारस्थित समितिका आ–आफ्नै सभाकक्षमा बस्ने संघीय संसद् सचिवालयले जनाएको छ ।