काठमाडौं । संसद्को चौथो ठूलो दल राष्ट्रिय स्वतन्त्र पार्टी (रास्वपा)को केन्द्रीय समिति र संसदीय दलको संयुक्त बैठक बोलाइएको छ । बुधबार (भोलि) अपराह्न ४ बजे बस्ने गरी बैठक बोलाइएको पार्टीका महामन्त्री एवं प्रवक्ता मुकुल ढकालले जानकारी दिए ।

काठमाडौंको चमतीस्थित केन्द्रीय कार्यालयमै बैठक बस्नेछ । राष्ट्रपतिबाट विभिन्न कैदीलाई दिइएको आममाफीबारे बैठकमा छलफल गरिने उनले बताए ।

यस्तै, जिल्लामा गएका पार्टीका नेताहरूबाट विभिन्न विषयमा समीक्षाका लागि बैठक बोलाइएको उनले जानकारी दिए ।