site stats
बाह्रखरी :: Baahrakhari
साहित्य
Nabil BankNabil Bank
सम्बन्ध, मन्दोदरीदेखि मार्क्ससम्म र कञ्चनपुरदेखि कञ्चनजङ्घासम्म : कवितामय फन्को देशको

सम्बन्ध
(उपन्यास : ओमशंकर श्रेष्ठ)
साहित्यकार ओमशंकर श्रेष्ठको औपन्यासिक कृति हो, ‘सम्बन्ध’ । यो उपन्यास केही महिनाअघि प्रकाशनमा आएको हो । यसलाई सामाजिक उपन्यास भनिएको छ । उपन्यासकार श्रेष्ठका यसअघि पनि एउटा कथाकृति प्रकाशनमा आइसकेको छ ।

आफ्नो भनाइमा उपन्यासकार श्रेष्ठ लेख्छन् : ‘... यो उपन्यास ‘सम्बन्ध’ मेरो पहिलो प्रयास भए पनि म यसबाट यति सन्तुष्ट हुनपुगेँ कि कलमै रोकिएन र ‘नतालिया’ र ‘श्राप’ शीर्षकका अन्य दुई उपन्यास पनि तयार भए । अहिले अर्को एउटा उपन्यास अंग्रेजी भाषामा लेखिरहेको छु ।

पत्रकार कपिल काफ्ले भूमिकामा लेख्छन् : ‘सम्बन्ध उपन्यास नयाँ र पुरानो मिडियामा अभ्यस्त पाठकहरूप्रति लक्षित छ । सबै खाले पाठकले यसको माया पाउने पर्याप्त आधार देखिन्छ । ...’

Prabhu Bank
Agni Group
NIC Asia

पत्रकार कुमार रञ्जित लेख्छन् : ‘नेपाली साहित्यिक क्षेत्रमा उपलब्ध यथार्थ प्रतिविम्बित गर्ने यथार्थवादी उपन्यासहरूमा धेरैजसो प्रयोग हुँदै आएका कथावस्तुहरू प्रेम सम्बन्ध, गरिबी, भेदभाव, पीडा, मिलन–बिछोड आदि जे–जस्ता विषयहरू हुने गरेका थिए; प्रस्तुत उपन्यासमा ती सबै समेटिएका छन् । ...’

उपन्यासको अंशमा लेखकले लेखेका छन् : ‘भोलि जनरल वार्डमा मेरा आँखाले के कस्ता मानिसहरूलाई देख्ने हुन भन्ने कौतुहल पनि बढ्न थाल्यो । यत्तिकैमा क्याविनमा नारी हाँसो नजिकिन थाल्यो । जिना र निशा कुनी के कुरामा हो गलल्ल हाँस्दै भित्र छिरे । ...’ (पृष्ठ — ७३)
रत्न पुस्तक भण्डारले प्रकाशनमा ल्याएको ३०४+४ पृष्ठको यस कृतिको मूल्य ५९५– रुपैयाँ राखिएको छ ।

Global Ime bank

०००

मन्दोदरीदेखि माक्र्ससम्म
(विमर्श : राप्रउ पोखरेल)
नेपाली साहित्यिकवृत्तमा चिरपरिचित सर्जक हुन् राप्रउ पोखरेल अर्थात् रामजीप्रसाद उपाध्याय पोखरेल । उनका अनगिन्ती लेख रचना विभिन्न पत्र पत्रिकाहरूमा प्रकाशित हुँदै आएका छन् । उनको प्रकाशनमा आएको पछिल्लो कृति हो, ‘मन्दोदरीदेखि माक्र्ससम्म’ । यसको सहायक शीर्षकमा समाज, संस्कृति र साहित्यविमर्श उल्लेख छ ।

यसभन्दा अघि उनको दुई कृति ‘सर्वधर्म समभाव’ र ‘विचार मिमांशा’ प्रकाशित भइसकेको छ । लामो समय सरकारी सेवामा बिताएका सर्जक पोखरेल निबन्धकारितामा पनि चर्चित छन् ।

मदनमणि दीक्षितले कृतिभित्र भूमिकामा लेखेका छन् : ‘जीवनमा सुखदुःख, आनन्द र पीडा, दुर्घटना र सुखद् अवसर आइरहन्छन् । संसारको कोही पनि यो द्वन्द्वबाट मुक्त छैनन् । राप्रउमा समेत ती द्वन्द्व छन् भन्ने म सहज अनुमान गर्छु । ...’

प्राक्कथनमा सर्जक पोखरेल लेख्छन् : ‘संग्रहमा समेटिएका विषयलाई हेर्ने कोण र विवेचनमा केही फरक बाटोबाट हिँड्ने प्रयास गरिएको हो । सफल असफल जे छ, त्यसको विवेक गर्ने दायित्व विज्ञ पाठकमा सुम्पिन्छु ।’
यस कृतिभित्र पाँच खण्डमा २० वटा लेख रचना समाहित छ । 

भुँडीपुराण प्रकाशनले बजारमा ल्याएको २६२+४ पृष्ठको यस विमर्श कृतिको मूल्य ४९०– रुपैयाँ राखिएको छ ।

०००

कञ्चनपुरदेखि कञ्चनजङ्घासम्म : कवितामय फन्को देशको
(कवितासंग्रह : हिकमत सिंह ऐर)
पछिल्लो समय कविता लेखनमा निकै सक्रिय रहँदै आएका सर्जक हुन हिकमत सिंह ऐर । उनका कविताहरू स्थान विशेषमा केन्द्रित रहँदै आएका छन् । पर्यटन क्षेत्रसँग आवद्ध कवि ऐरले पर्यटन विकासका लागि प्रेरक हुने कविताकृति ल्याएका छन्, जसको नाम हो ‘कञ्चनपुरदेखि कञ्चनजङ्घासम्म : कवितामय फन्को देशको’ ।

कृतिमा कवि ऐरले लेखेका छन् : सातै प्रदेशको हिमाल, पहाड, तराई, चुरे र भावरका जंगल, निरन्तर बगिरहेका नदी नाला, जीवन्त संस्कृति र सम्पदाले भरिपूर्ण यो अलौकिक, अद्भूत देवभूमिका मठ मन्दिर, गुम्बा, चैत्य, स्थानीय बासिन्दाहरू र मौलिक खानपिन, रहनसहन एवं अन्य विशेषताले भरिपूर्ण गन्तब्यहरू नै मेरा सृजनाका अनन्त स्रोत हुन् ।’

कृतिभित्र भूमिकामा कवि गीतकार शंकरप्रसाद कोइराला (एसपी कोइराला) लेख्छन् : ‘यस कृतिमा मनका कविताहरू धेरै छन् । हुन पनि कविता भनेको मन हो । अनुभूति भनेको नि मन हो । र अभिव्यक्ति भनेको पनि मन नै हो । ...’
यस कृतिभित्र कवि ऐरले सातै प्रदेशका विभिन्न स्थाहरूलाई काव्यात्मक स्वरूपमा प्रस्तुत गरेका छन् ।
कविता ‘मभित्रको देश मिथिला मधेशमा उनी लेख्छन् :
सहलेश राजाको स्वागतमा फुल्दछ फूल लहानमा ।
ऋदभूत छ यसको आकर्षण, फूल्दछ अर्को एक वर्षमा । (पृष्ठ — १९)
बुक्स हिमालय प्रा.लि.द्वारा प्रकाशित, विभिन्न ठाउँको तस्विरसहित सम्पूर्णतः रंगिन कलेवरमा सजिएको १०२+४ पृष्ठको यस कविता कृतिको मूल्य ६००– रुपैयाँ राखिएको छ ।

NIBLNIBL
प्रकाशित मिति: शनिबार, भदौ ३०, २०८०  १३:२०
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Shivam Cement DetailShivam Cement Detail
Maruti cementMaruti cement
सम्पादकीय