ललित राजवंशीलाई भारतका व्यवसायी मित्तलले सहयोग गर्ने

खेल

मंगलबार, भदौ २६, २०८०

ललित राजवंशीलाई भारतका व्यवसायी मित्तलले सहयोग गर्ने

काठमाडौं । भारतीय व्यवसायी अनुपम मित्तलले नेपाली क्रिकेटर ललित नारायण राजवंशीलाई सहयोग गर्ने घोषणा गरेका छन् । मित्तलले ट्विटरमार्फत ललितलाई ब्याटका लागि सहयोग गर्ने जनाएका हुन् ।

ट्विटरको एक पोस्टमा केही दिनअघि सार्वजनिक एक अन्तर्वार्तामा ललितले आफूसँग अन्तर्राष्ट्रिय खेलका लागि ब्याट नभएको र टिमका सहकर्मीहरूबाट अहिलेसम्म काम चलाइराखेको बताएको उल्लेख छ ।

“सर्पोट ठिक छ । तर, उसलाई साच्चै आवश्यकता भनेको ब्याटको छ । उनको लागि एक ब्याट दिउँ,” मित्तलले आईसीसी एसिया क्रिकेट नामको ट्विटर अकाउन्टले गरेको एक पोस्टमा रिप्लाई दिँदै भनेका छन्, “प्लस, उसलाई मेरो सम्पर्कमा राख । म उसको ब्याटका लागि योगदान दिन पाउँदा खुसी छु ।”