काठमाडौं । अर्थमन्त्री डा. प्रकाशशरण महतले नाडा अटो सो २०२३ को उद्घाटन गरेका छन् ।

भृकुटीमण्डमा भदौ २६ देखि ३१ गतेसम्म ‘नाडा अटो सो’ चल्नेछ ।

विगत तीन वर्ष रोकिएको नाडा अटो सोमा यसपटक विद्युतीय एवम् पेट्रोलियम गाडी, तीन पाङ्ग्रे तथा दुई पाङ्ग्रे सवारीसाधन, ढुवानीका साधन, स्पेयर पार्टस्, ब्याट्री र एसेसरिज लगायतको प्रदर्शनी रहनेछ ।

६ दिनसम्म चल्ने नाडा अटोमोबाइल्स एसोसिएसन अफ नेपालको यो १५औँ संस्करण हो ।

झण्डै एक लाखले अवलोकन गर्ने र २० अर्ब रुपैयाँको कारोबार हुने अपेक्षा गरिएको अटो सोमा विभिन्न ब्रान्डका नयाँ सवारी साधनहरू सार्वजनिक हुँदै छन् ।

१२० वटा स्टल रहको अटो सोमा १६ ब्रान्डका चार पाङ्ग्रे, २२ ब्रान्डका दुई पाङ्ग्रे र सात ब्रान्डका लाइट कमर्सियल भेहिकल रहेको नाडाले बताएको छ ।