site stats
बाह्रखरी :: Baahrakhari
राजनीति
Global Ime bankGlobal Ime bank
६ संसदीय समितिका बैठक बस्दै
फाइल तस्बिर ।

काठमाडौं । संघीय संसद्अन्तर्गतका ६ संसदीय समितिका बैठक आज बस्दै छ ।

प्रतिनिधिसभाअन्तर्गतको उद्योग तथा वाणिज्य र श्रम तथा उपभोक्ता हित समितिको बैठक बिहान ११ बजे सुरु हुनेछ । बैठकमा समितिका नवनिर्वाचित सभापतिलाई बधाई एवं शुभकामना दिइनेछ ।

अत्यावश्यक खाद्यपदार्थ (चामल, नुन, चिनी, तरकारी) र पेट्रोलियम पदार्थ एवं खाना पकाउने ग्यासको आपूर्ति, बिक्री र हालको मौज्दातको अवस्थाका बारेमा उद्योग, वाणिज्य तथा आपूर्तिमन्त्री रमेश रिजालसँग छलफल गरिने कार्यसूची छ ।

यस्तै, कानुन, न्याय तथा मानवअधिकार समितिको बैठक दिउँसो १ बजे बस्दै छ । बैठकमा समितिको समसामयिक विषय र भावी कार्ययोजनाका विषयमा छलफल गरिनेछ ।

साथै, बेपत्ता पारिएको व्यक्तिको छानबिन, सत्यनिरुपण तथा मेलमिलाप आयोग ऐन, २०७१ लाई संशोधन गर्न बनेको विधेयकमाथि दफावार छलफल गरिनेछ । समितिसमक्ष प्रतिवेदन पेस गर्न गठित उपसमितिको कार्यप्रगतिका विषयमा पनि छलफल गरिनेछ ।

बैठकमा सम्पत्ति शुद्धीकरण (मनी लाउन्डरिङ) निवारण तथा व्यावसायिक वातावरण प्रवद्र्धनसम्बन्धी केही ऐनलाई संशोधन गर्न बनेको विधेयकका विषयमा समेत छलफल गरिनेछ ।

आजै दिउँसो २ बजे बस्ने राज्य व्यवस्था तथा सुशासन समितिको बैठकमा नवनिर्वाचित समिति सभापतिलाई बधाई तथा शुभकामना दिइनेछ ।

प्रतिनिधिसभाअन्तर्गतकै सार्वजनिक लेखा समितिको बैठक बिहान ११ बजे बस्दै छ ।

राष्ट्रियसभाअन्तर्गतको विधायन व्यवस्थापन समितिको बैठक दिउँसो १ बजे बस्ने तय छ । बैठकमा विद्युतीय व्यापार विधेयक, २०८० माथि दफावार छलफल गरिने कार्यसूची छ ।

यसैगरी, दिउँसो १ बजे प्रत्यायोजित व्यवस्थापन तथा सरकारी आश्वासन समितिको बैठक बस्दै छ । बैठकमा उपसमितिबाट पेस भएका प्रस्तावसम्बन्धी, प्रदेशस्तरीय कार्यक्रमसम्बन्धी (सुदूरपश्चिम) र समितिको वार्षिक प्रतिवेदन तयारीसम्बन्धी छलफल गरिनेछ ।

यी सबै बैठक सिंहदबारस्थित ती समितिका सभाकक्षमा बस्नेछ ।

प्रकाशित मिति: मंगलबार, भदौ १९, २०८०  १०:१२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro