काठमाडौं । औषधि व्यवस्था विभागले एन्टिबायोटिक औषधिको खोलमा अनिवार्य रातो धर्का राख्न उत्पादक तथा आयातकर्तालाई निर्देशन दिएको छ ।

विभागले अन्तर्राष्ट्रिय प्रचलनअनुसार भित्री र बाहिरी प्याकिङमा रातो धर्काले संकेत गर्ने निर्णय गरेको हो ।

औषधिको प्रयोगकर्ता र गैरस्वास्थ्यकर्मीले समेत सजिलै पहिचान गर्न र यसको अनावश्यक प्रयोगबारे सचेतना बढाउने सो नियम प्रयोगमा ल्याउन लागिएको हो ।

निर्णयअनुसार २०८० भदौ ११ गतेको मितिबाट बढीमा ६ महिनापछि उत्पादन हुने औषधिका लागि यो नियम लागु हुनेछ ।

‘ख’ वर्गका एन्बिायोटिकको बाहिरी र भित्री प्याकिङमा लेवलमा सो धर्का राख्नुपर्नेछ ।