काठमाडौं । पाल्पाको तानसेन नजिकै गुडिरहेको स्कोरपियो गाडी पहिरोमा पुरिँदा तीन जनाको मृत्यु भएको छ ।

लु १ ज ४६०० नम्बरको स्कोरपियो पहिरोमा परेको हो । बिहान गुल्मीको तम्घासबाट बुटवल जाँदै गरेको गाडी तानसेन नजिकै पर्ने जोर्तेमा पहिरोमा पुरिएको थियो । माथिबाट खसेको ठूला ढुंगासहितको पहिरोमा गाडी परेको थियो । दुर्घटनामा मृत्यु हुने तीनै जनाको सनाखत भएको छ ।

गाडी चालक बालकृष्ण श्रेष्ठ सामान्य घाइते भएका छन् भने रुरु रेसुंगा यातायातको स्कोरपियोमा पुरिएर मृत्यु हुनेमा दुई पुरुष र एक महिला रहेको पत्रकार जगदिश भट्टराईले जानकारी दिए ।

उनका अनुसार मृत्यु हुनेमा ५० वर्षकी मनकला चुदारा, पाल्पाका प्रहरी सहायक हवल्दार यमबहादुर बोहोरा र पोखराका विनोद तिमिल्सिना रहेका छन् ।