काठमाडौं । कवि लेखनाथ ज्ञवाली स्मृति प्रतिष्ठानले साहित्यकार बालकृष्ण भट्टराईलाई ‘कवि लेखनाथ ज्ञवाली वाङ्मय पुरस्कार–२०८०’ समर्पण गरेको छ ।  नगदराशि १५ हजारसहितको उक्त पुरस्कार भट्टराईलाई काठमाडौंस्थित उनको निवासमै गएर प्रदान गरिएको हो । 

लेखनाथ ज्ञवालीको १३औं स्मृति दिवसमा रूपन्देहीको शंकरनगरमा कार्यक्रम सम्पन्न भए पनि साहित्यकार भट्टराई काठमाडौंमै रहेकाले उनलाई घरमै गएर पुरस्कृत गरिएको हो । 

यसैअवसरमा प्रतिष्ठानले संस्थाका सल्लाहकारद्वय मोदनाथ प्रश्रित तथा अर्जुन ज्ञवालीलाई समेत सम्मानित गरेको थियो । साहित्यकार प्रा.डा. कपिल लामिछानेले स्रष्टाहरूलाई सम्मानित गरेका थिए ।