![लोहनी, श्रेष्ठ र तुलाधरलाई ‘वानीरा पुरस्कार’ प्रदान](https://12khari.top/uploads/posts/ewfg-1715506286.jpg)
काठमाडौं । कविता, कथा, उपन्यास र समालोचनाका क्षेत्रमा उल्लेख्य योगदान पुर्याएबापत प्रा. पुष्कर लोहनीलाई २०८० सालको ‘वानीरा प्रज्ञा पुरस्कार’ प्रदान गरिएको छ । शनिबार काठमाडौंमा आयोजित कार्यक्रममा वानीरा फाउन्डेसनका संस्थापक तथा संरक्षक शंकर गिरीले उक्त पुरस्कार प्रदान गरेका हुन् ।
यस्तै, नाट्यकलाको विकासमा विशिष्ट योगदान गरेबापत नाट्यभूषण मदनदास श्रेष्ठलाई ‘वानीरा शंकर पुरस्कार’ प्रदान गरियो । साहित्यस्रष्टा डा. वानीरा गिरीको सम्मानमा स्थापित यी दुवै पुरस्कारको राशि जनही एक लाख रुपैयाँ छ ।
कथा र कविता सिर्जनामा समर्पित अनिता तुलाधरलाई पनि सोही कार्यक्रममा ५० हजार रुपैयाँ राशिको ‘वानीरा पुरस्कार’ प्रदान गरिएको फाउन्डेसनका सदस्यसचिव नरेन्द्रराज प्रसाईले जानकारी दिए ।
०७८ साल जेठ ९ गते कोरानाका कारण डा. वानीरा गिरीको निधन भएको थियो ।