काठमाडौं । नेकपा एमालेका अध्यक्ष केपी शर्मा ओलीले सञ्चारमाध्यमले पनि प्रतिपक्षका आवाजलाई बेवास्ता गरेको गुनासो गरेका छन् ।

उनले विशेष पत्रकार सम्मेलन गर्दै आइतबार भने, “सञ्चारमाध्यममा कसको लगानी छ भन्ने अहिले छाडिदिउँ, देशको पक्षमा को छ भन्ने हेरौँ ।”

उनले आफूहरुले निष्पक्ष छानबिनको माग गरिरहेको बताए ।

“निष्पक्ष छानबिन गर्न किन नहुने ? छानबिन आयोग बनाउँदा के हुन्छ ? के हो विषयान्तर भनेको ?,” उनको प्रश्न थियो, “सबै पक्षमा छानबिन गर्न सक्छ । यसका कनेक्सन र जरा कहाँ छ ? टुप्पोमात्रै हेरेर हुँदैन । २३४ पल्ट कुनै गिरोहसँग लगातार संवाद कसरी हुन्छ मान्छेको ? यो फेयर छ ? तै पनि सोधपुछ पनि गर्न पर्दैन ? यसरी पनि देश चल्छ ? यो पनि शासन प्रशासन चलाउने तरिका हो ? बाहिर स्टन्ट दिएको छ, गफ दिएको छ ।”