साहित्य
सुरभी रेग्मी
सहरका साँघुरा गल्लीमा
अचेल के छन् ?
भूकम्पले चर्किएका पुराना घर छन्,
चोरहरूले लुटेका खाली आलमारी छन्,
घरका कुनाहरूमा फालिएका
पुराना बिजुलीका बिलहरू छन्,
असंख्य लासहरूका थुप्रो छन् ।
सहरका चोकहरूमा मठ–मन्दिरका भग्नावशेष छन्,
चेप्टा बाटाहरूमा लस्करै फ्याँकिएका सब्जी छन्,
भिखारीका झोलामा पित्तलका सिक्काहरू छन्,
गरिबका घरमा
बाजेबजूका आँखामा आँसु छन्,
अचेल सहरका साँघुरा गल्लीमा
भड्किएका मानिसका चिच्याहट सुनिन्छन् ।
अचेल सहरका साँघुरा गल्ली
डरमर्दा देखिन्छन् ।
प्रकाशित मिति: शनिबार, साउन २७, २०८० ०७:४९
प्रतिक्रिया दिनुहोस्