काठमाडौं । सल्यानमा आफ्नै आमाको हत्या गरेको आरोपमा एक युवक पक्राउ परेका छन् । पक्राउ पर्नेमा शारदा नगरपालिका–१३, माथिल्लो सल्यानचौरका २३ वर्षीय नवीन भण्डारी छन् ।

४८ वर्षीया शारदा भण्डारीको हत्या आरोपमा मंगलबार बिहान प्रहरीले उनलाई नियन्त्रणमा लिएको हो ।

नवीनले पैयुँको लट्ठीले टाउकामा प्रहार गर्दा आमा शारदाको घटनास्थलमै मृत्यु भएको भन्ने सूचनापछि प्रहरी टोली त्यहाँ खटिएको थियो । उनलाई पक्राउ गरी थप अनुसन्धान गरिरहेको प्रहरीले जनाएको छ ।