काठमाडौं । गत बुधबार त्रिभुवन अन्तर्राष्ट्रिय विमानस्थलबाट राजस्व अनुसन्धान विभागले बरामद गरेको १०० किलो सुनको मालिक सार्वजनिक गर भन्दै माइतीघरमा प्रदर्शन गरिएको छ ।

सोमबार प्रदर्शनकारीहरुले सुनको मालिक छिटोभन्दा छिटो सार्वजनिक गर्न सरकारलाई आग्रह गरे । भरिया मात्रै पक्राउ गरेर सुन मालिकलाई अहिलेसम्म पक्राउ गर्न नसकेको भन्दै स्वर्ग मातृभूमि नेपालले माइतीघरमा प्रदर्शन गरेको हो ।

गत साता विमानस्थलको कार्गो गोदाममा राजस्व अनुसन्धान विभागले छापा मार्दा भन्सार छलेर ल्याइएको ठूलो परिमाणको सुन कस्ले ल्याएको हो भन्ने कुरा अहिलेसम्म सार्वजनिक भएको छैन ।

उक्त विषयलाई लिएर स्वर्ग मातृभूमि नेपालले प्रदर्शन गरेको हो । प्रदर्शन उत्रिएहरुले ग्रेटर नेपालको नक्सा भएको टिसर्ट लगाएका थिए ।