काठमाडौं । देशका विभिन्न भू–भागमा आज बाढीको सम्भावना रहेको छ । मध्यम र भारी वर्षाका कारण बाढीको सम्भावना रहेको हो । 

अछाम, डोटी, बाजुरा, बझाङ, बैतडी, डोल्पा, दार्चुला र आसपास भइ बहने केही स–साना नदी तथा खोलामा बहाव बढ्ने र केहीमा आकस्मिक बाढीको जोखिम रहेको बाढी पूर्वानुमान महाशाखाले जनाएको छ । 

सिन्धुपाल्चोक, रसुवा, काठमाडौं, ललितपुर, भक्तपुर, कास्की, पर्वत, गोरखा, लमजुङ, तनहुँ, म्याग्दी, रुकुम (पूर्व), रुकुम (पश्चिम), रोल्पा, जाजरकोट, सुर्खेत, कैलाली, कन्चनपुर र आसपास भई बहने केही स–साना नदी र खोलामा पनि बहाव सामान्य बढ्नसक्ने पूर्वानुमान रहेको महाशाखाले जनाएको छ । 

आगामी तीन दिन कोसी, नारायणी, कर्णाली, महाकाली, कन्काई, कमला, वाग्मती, पूर्वी राप्ती, पश्चिम राप्ती, बबई र यसका प्रमुख सहायक नदीहरूमा जलसतह सामान्य रहने पूर्वानुमान रहेको छ ।