काठमाडौं । झापा र दाङमा बलात्कार आरोपमा दुईजना पक्राउ परेका छन् ।

झापामा १२ वर्षीया बालिकालाई बलात्कार गरेको आरोपमा अर्जुनधारा नगरपालिका–१ बस्ने ५९ वर्षीय नरेश रसाईलीलाई आइतबार साँझ प्रहरीले पक्राउ गरेको हो । 

रसाइलीले ती बालिकालाई आमाबुवा धान रोप्न खेतमा गएको अवस्थामा फकाई आफ्नै घरको कोठाभित्र लगि बलात्कार गरेको  भन्ने उजुरीको आधारमा इलाका प्रहरी कार्यालय अनारमनीबाट खटिएको प्रहरीले उनलाई पक्राउ गरेको हो । 

त्यस्तै, दाङमा १८ वर्षीया किशोरीलाई बलात्कार गरेको आरोपमा दाङको घोराही उपमहानगरपालिका–८, सौडी बस्ने २६ वर्षीय अनिल नेपालीलाई आइतबार राति प्रहरीले पक्राउ गरेको छ । 

नेपालीले ती बालिकालाई गत बिहीबार राति रोल्पाबाट ललाई फकाई ल्याई आफ्नै घरमा बलात्कार गरेको भन्ने उजुरीको आधारमा जिल्ला प्रहरी कार्यालय दाङबाट खटिएको प्रहरीले उनलाई पक्राउ गरेको जनाइएको छ ।