राजनीति
मिटर ब्याजसम्बन्धी विधेयक पारितपछि रविले भने– गौरवान्वित महसुस भयो
काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानले मिटर ब्याजसम्बन्धी विधेय संसद्बाट पारित भएपछि गौरवान्वित महसुस गरेको बताएका छन् ।
आइतबार राति फेसबुकबाट उनले सञ्चारकर्मी हुँदादेखि लडेको एउटा लडाइलाई सार्थक बनाउने कामको एउटा सहयोगी बन्न पाएको बताएका छन् ।
साथै उनले सरकारलाई धन्यवाद पनि दिएका छन् ।
"सञ्चारकर्मी हुँदादेखि लडेको एउटा लडाइलाई सार्थक बनाउने कार्यको एउटा सहयोगी बन्न पाइएकोमा गौरवान्वित महसुस भएको छ । मिटर ब्याजीविरुद्धको लडाइँल टेलिभिजनबाट सदनसम्म ल्यायो । मिटर ब्याजीविरुद्धको विधेयक संसद्बाट भर्खरै पारित भएको छ । यसको सफल कार्यान्वयन होस्, पीडितलाई न्याय मिलोस् । धन्यवाद सरकार," रविले भनेका छन् ।
आइतबार बसेको प्रतिनिधिसभा बैठकबाट मिटर ब्याजसम्बन्धी विधेयक सर्वसम्मतले पारित भएको छ ।
प्रकाशित मिति: आइतबार, असार ३१, २०८० २२:०५
प्रतिक्रिया दिनुहोस्
सम्बन्धित समाचार
सिफारिस
सम्पादकीय
कार्टुन
भिडियो
विचार
अन्तर्वार्ता
ब्लग
प्रवास
