काठमाडौं । एसीसी मेन्स इमर्जिङ टिम्स एसिया कपमा पाकिस्तान ‘ए’ विरुद्ध ब्याटिङमा संघर्षरत नेपाली टिमबाट सोमपाल कामीले अर्धशतक बनाएका छन् ।

श्रीलंकाको कोलम्बोस्थित कोलम्बो क्रिकेट क्लब मैदानमा टस जितेर ब्याटिङमा आएको नेपालबाट नवौं नम्बरमा ब्याटिङका लागि मैदान प्रवेश गरेका सोमपालले ७७ बलमा ५० रन पूरा गरे । नेपाली टिमबाट महत्वपूर्ण अर्धशतक बनाएका सोमपालले आठ चौका प्रहार गरे । 

नवौं नम्बरमा ब्याटिङका लागि आएका सोमपालले प्रतिश जिसीसँग अर्धशतकीय साझेदारी गर्दै ७२–८ को नाजुक अवस्थामा रहेको नेपाली इनिङलाई सम्मानजनक योगफलतर्फ अघि बढाएका थिए । सोमपालले प्रतिशसँग नवौं विकेटका लागि ५८ रनको साझेदारी गरे । प्रतिशले टिमको खातामा २६ रन थपे ।

हाल नेपालले ३२.१ ओभरको खेल सकिँदा नौ विकेट गुमाएर १५४ रन बनाएको छ । सोमपालसँगै क्रिजमा रहेका ललित राजबंशी शून्यमा खेलिरहेका छन् ।