काठमाडौं । बागलुङमा २० वर्षीया महिलालाई बलात्कार गरेको आरोपमा एकजना पक्राउ परेका छन् ।

पक्राउ पर्नेमा गुल्मीको कालिगण्डकी गाउँपालिका–७, छापचौर बस्ने २८ वर्षीय बिमल हमाल रहेका छन् । उनलाई मंगलबार साँझ प्रहरीले पक्राउ गरेको हो ।

हमालले ती महिलालाई बागलुङ नगरपालिका–१,मालढुंगास्थित जंगलमा सोमबार बलात्कार गरेको अनुसन्धानको क्रममा खुल्न आएपछि उनलाई प्रहरीले पक्राउ गरेको हो ।

साथै हमालले जैमिनी नगरपालिका–४ रातोबारी बस्ने यामबहादुर क्षेत्रीको घरबाट विभिन्न सुनका गरगहना र नगद चोरी गरेको खुल्न आएको प्रहरीले जानकारी दिएको छ ।