काठमाडौं । सत्तारुढ दल नेकपा (एकीकृत समाजवादी)को संसदीय दलको बैठक अहिले बसिरहेको छ । बैठक वानेश्वरमा बसिरहेको एक नेताले जानकारी दिए ।

बैठकमा बिहान प्रधानमन्त्री पुष्पकमल दाहाल ‘प्रचण्ड’, अर्थमन्त्री डा. प्रकाशशरण महतसँग बजेट पास गराउन भएको सहमति र बजेट पास गराउने विषयमा छलफल भइरहेको छ । 

नेकपा एसले बजेट वितरण समावेशी नभएको भन्दै विरोध गर्दै आएको थियो । तर, आज बिहान बसेको बैठकमा बजेटमा रहेको भौगोलिक असन्तुलन सम्बोधन गर्ने प्रधानमन्त्री र अर्थमन्त्रीको आश्वासनपछि बजेट पास गर्ने सहमति जुटेको बैठक सहभागी  एक नेताले जानकारी दिए ।