काठमाडौं । नेकपा (माओवादी केन्द्र)को केन्द्रीय समिति बैठक सरेको छ । असार २३ गते कमलादीस्थित प्रज्ञा भवनमा बस्ने तय भएको बैठकको मिति सारिएको कोषाध्यक्ष श्रीराम ढकालले जानकारी दिए । 

उनका अनुसार बैठक अब बैठक साउन १७ गते बस्ने छ । प्रदेशको बजेट अधिवेशन चलिरहेकाले बैठक सार्नुपरेको ढकालले बताए । 

“प्रदेशको बजेट अधिवेशन चलिरहेको छ । केन्द्रीय सदस्यहरू त्यता व्यस्त भएकाले बैठक सार्नुपरेको हो,” उनले बाह्रखरीसँग भने, “अब बैठक साउन १७ गतेबाट बस्ने छ ।” 

बैठकमा डा. बाबुराम भट्टराईको पार्टी नेपाल समाजवादी पार्टी (नेसपा)सँग एकताका सन्दर्भमा छलफल हुने बताए । अहिले एकताबारे छलफल भइरहेको ढकालको भनाइ छ ।