काठमाडौं । विश्वका धनाढ्य व्यक्तिहरु मिक्सड मार्सल आर्ट्स (एमएमए) अर्थात ‘केज फाइट’ लड्न तयार भएका छन् ।
टेस्ला, स्पेसएक्स एवं ट्विटरका मालिक मस्कले जुकरबर्गसँग केज फाइटका लागि तयार रहेको भन्दै ट्विट गरेका छन् ।
फेसबुक र इन्स्टाग्रामको मुख्य कम्पनी मेटाका मालिक जुकरबर्गले त्यसपछि 'मलाई ठाउँ पठाउनुहोस्' भनेर लेख्दै मस्कको ट्विटको स्क्रिनसट पोस्ट गरेका थिए ।
मस्कले त्यसपछि जुकरबर्गको प्रतिक्रियाको जवाफ दिँदै 'भेगास अक्टागन' ठाउँको नाम लेखेका छन् ।
अल्टिमेट फाइटिंग च्याम्पियनसिप (यूएफसी) बाउटका लागि अक्टागन चर्चित ठाउँ हो । यूएफसी फाइट लस भेगासकै नेभाडामा चल्छ ।
यस विषयमा मेटाका प्रवक्ताले बीबीसीलाई कथा आफै बोल्ने भन्दै प्रतिक्रिया दिएका छन् ।
जुन २८ मा ५२ वर्ष पुग्ने मस्कले आफूसँग दी बालरस भन्ने कला रहेको र आफू प्रतिद्वन्द्वीको माथि सुतेर केही पनि नगर्ने भनेका छन् । मस्कले कहिले काहीँ बच्चाहरुलाई हावामा फ्याँक्नेबाहेक आफूले कहिल्यै कुनै कसरत नगरेको भनेर लेखेका छन् ।
३९ वर्षीय जुकरबर्गले भने पहिले नै मिश्रित मार्शल आर्ट (एमएमए)को प्रशिक्षण लिइसकेका छन् । जुकरबर्गले हालै मार्शल आर्ट टुर्नामेन्ट जिउ जित्सु जितेका छन् । यस विषयमा ट्विटरले कुनै प्रतिक्रिया नदिएको बीबीसीले जनाएको छ ।
