काठमाडौं । त्रिभुवन विश्वविद्यालयका उपप्राध्यापक प्रेम चलाउनेले सर्वोच्च अदालतमा रिट दायर गरेका छन् । आफूमाथि आक्रमण गर्ने नेविसंघका कार्यकर्ताविरुद्धको मुद्दा फिर्ता लिने सरकारको निर्णयलाई चुनौती दिँदै उनले रिट दायर गरेका हुन् ।

बुधबार दायर गरेको रिटमाथि सुनुवाइका लागि भोलिलाई पेसी तोकिएको छ । रिटमा उनले ‘सरकारको गैरकानुनी र असंवैधानिक निर्णय’  खारेजीको माग गरेका छन् ।

आक्रमणकारीविरुद्धको मुद्दा काठमाडौं जिल्ला अदालतमा विचाराधीन रहेकै बेला सरकारले फिर्ता लिने निर्णय गरेको थियो ।