काठमाडौं । आईसीसी क्रिकेट विश्वकप छनोटमा अमेरिकाविरुद्ध नेपालले कुशल भुर्तेललाई दोस्रो विकेटको रूपमा गुमाएको छ ।

जिम्बाब्वेको राजधानी हरारेस्थित तकसिंगा स्पोर्ट्स क्लबमा जारी खेलमा नेपालले ओपनर कुशललाई स्कोरबोर्डमा ७४ रन जोड्दा दोस्रो विकेटको रूपमा गुमाएको हो ।

अमेरिकाले प्रस्तुत गरेको २०८ रनको लक्ष्य पछ्याइरहेको नेपालका कुशलले ५४ बलमा चार चौका र एक छक्कासहित ३९ रन जोडे । कुशल नोस्थुस केन्जिगेको ओभरमा ‘कट एन्ड बोलेड’ भए । कुशलले यसअघि छनोटको पहिलो खेलमा जिम्बाब्वेविरुद्ध ९९ रन बनाएका थिए ।

जारी खेलको १७ ओभर समाप्त हुँदा नेपालले दुई विकेट गुमाएर ७६  रन जोडेको छ । नेपालबाट हाल क्रिजमा रहेका भीम सार्की १८ र कप्तान रोहितकुमार पौडेल एक रनमा खेलिरहेका छन् ।

त्यसअघि टस हारेपछि ब्याटिङमा आएको अमेरिकाले ४९ ओभरमा सबै विकेट गुमाएर २०७ रनको योगफल खडा गरेको थियो ।