काठमाडौं । प्रस्तावित प्रधानन्यायाधीश हरिकृष्ण कार्कीलाई सांसदहरूले प्रश्न गरिरहेका छन् । शुक्रबार सिंहदरबारमा बसेको संसदीय सुनुवाइ समितिको बैठकमा कार्कीसित सवालजवाफ भइरहेको हो ।

बैठकमा सांसद प्रकाश अधिकारीले वर्षौँदेखिका मुद्दा फैसला नभएको भन्दै प्रधानन्यायाधीश भएपछि यसलाई कसरी प्रणालीमा ल्याउनुहुन्छ ? भनी प्रश्न गरे ।

“वर्षौँदेखिको मुद्दा फैसला भएको छैन । तर, दुई महिनाअघिको मुद्दा फैसला भएको छ । देवानी मुद्दामा पनि अवस्था उस्तै छ,” उनले भने, “राज्यको महत्त्वपूर्ण मुद्दा ठिक छ । तर, अरूमा पनि किन यस्तो हुन्छ ? प्रधानन्यायाधीश भएपछि यसलाई कसरी प्रणालीमा ल्याउनुहुन्छ ?” 

सांसदहरूका सवालपछि उनले जवाफ दिनेछन् ।